siège social


FEELS LIKE HOME


Aktuellen Siège Social ab 2009:
Café “Kanecher Ieselsstiffchen”, rue d’Oetrange, Canach


Ech muss iech lo awer nach eng spektakulär Geschicht zielen. Hollywood huet sech schon d'Filmrechter gesëchert. Besuergt iech besse Popcorn an e lecker Mädche fir an den Aarm.


Firun laanger, laanger Zäit sutze mer, wéi gewinnt, an eisem Stammbistrot, op eisem Stammdësch, hun eis eng Stamm - Erfrëschung an den Hals gekippt an den Uutz iwwer Gott an d'Welt gedriwwen. Op eemol huet de B.C. dat dréngend Bedürfnis empfond, sech op d'Toilette erliichteren ze goën.


Wéi ëmmer huet hien säi Schutzanzug ugedoën, well hien d'Geforen vun der Kammer des Todes kennt. Ganz lues, am volle Bewosstsin vun de méiglechen Konsequenzen, huet hien sech dem Lokus genähert. Den Diego, eise Wiirt, huet nach de Geck gemat, mat senger Spullomp gewedelt a gesoot: "Wat bas du e Fäertaarsch ! Ech giff et fäerdeg bréngen, et mat dëser Fatz emzebréngen !"


Umierkung vun der Redaktioun: mir hun dat Wiesen, dat sech um Schäisshaus befënnt, "Et" benannt, well bis dato souguer dee beschten Biolog nach net erausfond haat, em wat fir eng Spezies et sech hei géif handelen. Um W.C. ukomm huet hien schon e seltsamt Geräisch héieren. Wéi e brodelnde Vulkan, dee kuerz firun der Erektioun steet. Damp as aus dem Pissoir geklommen, an de B.C. wousst direkt: hei as eppes net normal ! Et lieft !!!!


Schnell as hien zréck bäi den Dësch gelaaf an huet seng Matmënschen (och d'Portugiesen) zur Flucht opgeruff. Hektik as ausgebrach, Chaos as entstanen, jidfereen wousst dass et em säin Liewen geet ! Et war mol keng Zäit méi, fir d'Fläsch auszedrénken, an d'Sortie war ze kleng, fir dass mir all gemeinsam hätte flüchte kënnen.


D'Toilettendier as opgeflunn an dat, wat mir do gesin hun, huet all eis Befierchtungen iwwertraff. Säit Joren as schon dat Gerücht ronderemgaangen, dass firu laanger, laanger Zäit e Client, deen seng Rechnung direkt huet missen bezuehlen amplaz et dierfen opzeschreiwen, e Fluch iwwert de Bistrot geluet huet: soubal en Eischtgebuerenen sollt vergiessen, nom schiffen ze zéihen, géif sech en onheemlecht, grausamt an onerbärmlecht Monster duerch d'Waasserleitung kämpfen a säin Onheel un de Maueren verbreeden. An dat Geschöpf wier soulaang an de Réier gefaangen bis dass en Zweetgebuerenen et duerch eng Piss ouni Fuerz (Umierkung vun der Redaktioun: e Berrêt) giff fräiloossen. Säin Numm: Klobi, d'Erfrëschungsmonster !!!!!


Wéi mir eis dunn firun d'Dier gerett haaten, stungen schon lauter Reporter dobäussen, déi säit Méint op dësen Exklusivreportage gewaart hun. Schnell as nach eng Gruppenfoto gemat gin, fir dësen denkwierdegen Abléck festzehaalen (Umierkung vun der Redaktioun: deen an der Mëtt huet den Dag selwer seng Hochzäit do gefeiert, mee de Bräutigam huet en einfach stoën gelooss).


Dobaussen hu mir dunn missen verfolgen, wéi de Klobi eise ganze Bistrot zerstéiert huet. Et war einfach nëmmen grausam, däer Saach nozekucken, ouni eppes kënnen dogéint ze maan !!! No kuerzer Zäit stung eist Doheem a "Schutt und Asche", währenddem de Klobi an sech zesummengesackt as.


Spéiderhin huet sech erausgestallt, dass et sech em eng Spezies gehandelt huet, déi sech vun Offall, Knascht a Stëbbs ernährt huet, een eenzegt Hygiène-Partikel hätt et schon zerstéiert. Duerfir konnt Et och net flüchten. Déi schrecklech propper Welt dobäussen huet de Klobi embruet. Dat as lo eng gudd Zäit hir, mir sin driwwer eweg a fänke soulues un, d'Liewen och nees vun der positiver Säit ze gesin.


Sou hu mir eis op de Wee gemat, a sin 40 Joër duerch d'lëtzebuerger Partywüst gereest, bis dass mir endlech nees eng Gebietstätt fond hun, an déi mir eise Glaawen léen kënnen :
Hei kriss du lecker Erfrëschungen, mee do donierft kanns du dech och nach total entspanen, z.B. mat :

  • Darts, Billard, Kicker an nach vill mei lusteg Spiller
  • Live-Acts vun talentéierte lëtzebuerger an auslännegen Top Acts
  • Live Bundesliga-, EM-, WM- an Champions League Matcher vun dengem Lieblingsveräin (virausgesaat du häls zu deem richtegen)
Komm roueg eng Kéier laanscht kucken. An haal eis eng Plaz fräi falls du virun eis do bas ...

18, Eiterstrooss
L-5411 Kanech